తెలుగుదనం.కో.ఇన్ [telugudanam.co.in]

విద్య నిగూఢగుప్తమగు వితము రూపము పురుషాళికిన్

విద్య యశస్సు భోగకరి విద్య గురుండు విదేశబంధుడున్

విద్య విశిష్టదైవతము విద్యకు సాటి ధనంబు లే దిలన్

విద్య నృపాల పూజితము విద్యనెరుంగనివాడు మర్యుడే.

సత్యసూక్తి ఘటించు, ధీ జడిమ మాంచు,

గౌరవ మోసంగు జనులకు గలుష మడచు

గీర్తి బ్రకటించు జిత్తవి స్ఫూర్తి జేయు

సాధుసంగంబు సకలార్ధసాధనంబు.

దానము భోగము నాశము

పూనికతో మూడుగతులు భువి ధనమునకున్

దానము భోగము నెరుగని

ధీనుని ధనమునకు గతి తృతీయమొసగున్

తెలివి యొకింత లేని యెడఁ దృప్తుఁడనై కరిభంగి సర్వమున్

దెలిసితి నంచు గర్వితమతిన్ విహరించితిఁ దొల్లి యిప్పుడు

జ్జ్వలమతు లైన పండితుల సన్నిధి నించుక బోధశాలినై

తెలియనివాఁడ నై మెలఁగితిం గతమయ్యె నితాంతగర్వమున్.

ఆకాశంబుననుండి శంభుని శిరం బందుండి శీతాద్రి, సు

శ్లోకంబైన హిమాద్రినుండి భువి, భూలోకంబునందుండి య

స్తోకాంభోధిఁ బయోధినుండి పవనాం ధోలోకముం జేరె గం

గాకూలంకష పెక్కు భంగులు వివేకబ్రష్ట సంపాతముల్.

భూషలు గావు మర్త్యులకు భూరిమయాంగదతాహారముల్,

భూషితకేశపాశమృదు పుష్పసుగంధజలాభిషేకముల్

భూషలు గావు పూరుషుని భూషితుఁజేయుఁ బవిత్రవాణి, వా

గ్భూషణమే సుభూషణము భూషణముల్ నశించు నన్నియున్.