telugudanam.co.in

బ్రాస్‌లెట్ తయారుచేయడం

ఒక ఆభరణం గురించి చెప్పుకుందాం. అదేంటంటే... బ్రాస్‌లెట్. ఏం కావాలంటే... ఒకే రంగు పూసలు (కొన్ని పెద్దవి, మరికొన్ని చిన్నవి), సన్నగా వుండే ప్లాస్టిక్ వైర్, స్క్రూ ఫాస్ట్‌నర్ (ఇవి ఫ్యాన్సీ షాపుల్లో దొరుకుతాయి. లేదంటే పాత గొలుసులకు వున్నవైనా వాడుకోవచ్చు.)

ఎలా చేయాలంటే... ముందుగా ప్లాస్టిక్ వైర్‌ని కొంచెం పొడవుగా కత్తిరించండి. దీన్ని రెండు పేటలుగా చేయండి. ఒకవైపు ఓ స్క్రూ వేలాడదీయండి. తర్వాత ఒక పెద్ద పూసను ఎక్కించండి. తర్వాత రెండు పేటలకు వేరేరుగా చిన్న పూసలు ఎక్కించండి. మళ్లీ రెండు వైర్లను కలుపుతూ ఒక పెద్ద పూస ఎక్కించండి. ఇలా మీకు కావాల్సినంత పొడవు పూసలు గుచ్చండి. చివర్లో మరో స్క్రూ ఫాస్ట్‌నర్‌ని ఎక్కించి, ముడేయండి. స్క్రూ ఫాస్ట్‌నర్ లేకుండా కూడా బ్రాస్‌లెట్ తయారుచేయవచ్చు. అయితే అప్పుడు వైర్‌కు బదులు ఊలు, కాస్త పెద్ద పెద్ద పూసలు వాడుకోవాలి. చదివేశారుగా... వెంటనే మీకు నచ్చిన డ్రస్‌కి మ్యాచ్ అయ్యే పూసలతో ఓ బ్రాస్‌లెట్ తయారుచేసుకోండి. సరేనా?